Англия терма жамоаси ва Мюнхеннинг "Бавария" клуби собиқ ярим ҳимоячиси Оуэн Харгривз франциялик ҳужумчилар Килиан Мбаппе ва Тьерри Анрини солиштирди.
“Килиан ноёб футболчи. У менга Роналдуни эслатади. Анри билан солиштириш учун Мбаппе ўз вақтида Тьерри бажарган ишни бажариши керак. Истеъдод борасида унга ҳозир тенги йўқ. Мбаппе тўғри йўлда ва тез орада "Олтин тўп"ни қўлга киритади", - дея Харгривз сўзларини келтирмоқда TNT Sports.
Франция чемпионатининг жорий мавсумида 25 ёшли ҳужумчи 22 та ўйинда майдонга тушди. Мбаппе 21 та гол ва 4 та голли узатмани амалга оширди.
