"Челси" бош мураббийи вице-сардор Бен Чилуэллнинг жароҳати ҳақида маълумот берди. Олдинроқ "кўклар" расмий сайти англияликнинг жароҳати текширувдан ўтаётганини тасдиқлаганди. Чап қанот ҳимоячиси Англия чемпионатида "Ньюкасл" билан бўладиган ўйинда жамоасига ёрдам бермайди.
“Чилуэллнинг тиззасида муаммолар бор. У қанча вақт ўтказиб юборишини ҳали билмаймиз. Бен кўпроқ маълумот олиш учун физиотерапевт билан учрашиши керак. Колвиллга келсак, унинг оёқ бармоқларида муаммолар бор”, - дея тушунтирди Почеттино матбуот анжуманида.
Эътибор беринг, "Челси"да ҳозирда ҳимоянинг чап қанотида битта соғ ўйинчи бор - Марк Кукурелья. У жароҳат туфайли бир неча ойдан бери майдонга тушмаётганди.
