"Барселона" ёзда Иньиго Мартинес билан хайрлашиши мумкин.
As нашрининг Rac1 нашрига таяниб хабар беришича, Каталония клуби Ла Лига томонидан белгиланган маош чегарасига риоя қилиш мақсадида 32 ёшли ҳимоячини шу ёзда сотишга тайёр.
Catalunya Radio хабарига кўра, "блауграна" Иньигони янги трансфер сифатида рўйхатдан ўтказсагина кейинги мавсум учун шартнома имзолаши мумкин бўлади. Ўтган ёзда клубга истисно тариқасида футболчини рўйхатдан ўтказишга рухсат берилганди.
Мартинес "Барселона"га 2023 йилнинг ёзида эркин агент сифатида қўшилган эди. Унинг шартномаси 2025 йилгача мўлжалланган.