"Женоа"да ижара асосида ўйнаётган "Тоттенхэм"нинг ўнг қанот ҳимоячиси Жед Спенс Антонио Конте билан ишлаганини эслади.
"Шпорлар" ёш англиялик футболчини 2022 йилнинг июль ойида "Мидлсбро"дан деярли 15 миллион еврога сотиб олганди.
Келишувни шарҳлар экан, ўша пайтдаги жамоа бош мураббийи Конте ўйинчи унга керак эмаслигини таъкидлаб, Спенснинг трансферини "клуб қарори" деб атади.
"Тўғрисини айтсам, "Тоттенхэм"да Конте билан ҳеч қандай муносабатим йўқ эди. Унинг футболчилар билан муносабатлари яхши эмас деб ўйлайман.
Улар шунчаки оддий машғулот ўтказарди", - деди "Тоттенхэм"нинг асосий таркибида атиги олтита ўйин ўтказган Спенс.
