Суперўрта вазн тоифасида WBA чемпиони Исроил Мадримов жангдан кейинги фикрлари билан ўртоқлашди.
"Ҳис туйғулар ажойиб. Мен бу лаҳзани анчадан буён кутаётган эдим. 2018 йил проф боксда дебют қилганимдан бери мен бу камарга эга чиқишни хоҳлардим. Мен ҳозир шу ерда, Саудиядаман ва бу камар меники! Чемпионлик камари энди Ўзбекистонга боради", - деди Мадримов.
Эслатиб ўтамиз, ҳамюртимиз кеча тонгда россиялик Магомед Курбановга қарши жанг қилиб, 5-раундда рақибини техник нокаутга учратган ва бу билан россиялик боксчига фаолиятидаги илк мағлубиятни тақдим этганди.
