"Кальяри" бош мураббийи Клаудио Раньери "Салернитана"га қарши ўйин (4:2) ҳақида фикр билдирди. Ўйинда сардинияликларга захирадан майдонга тушиб, дубль қайд этган Элдор Шомуродов ғалаба келтирди.
“Шомуродов жароҳат олдидан ҳам ана шундай ажойиб фазилатларни намоён этганди. Бу йил бизда кичик жароҳатлар жуда кўп бўлди. У ва Ористаньо жамоага мувозанат ва фаоллик берди. Чемпионтада қолиш учун кураш тугамади ва ҳали узоқ йўл бор. Тактика? Мен ҳар доим айтганман, бу рақибга боғлиқ”, - деди италиялик 72 ёшли мутахассис.
"Кальяри" навбатдаги ўйинини 16 март куни сафарда "Монца"га қарши ўтказади.
