"Манчестер Сити"нинг ўнг қанот ҳимоячиси ва сардори Кайл Уокер у билан бирга ўйнаган энг яхши жамоадоши ким деган саволга жавоб берди.
"Мен 2012/2013 йилги мавсумда Бэйлдан юқори савиядаги футболчи билан ҳеч қачон ўйнамаганман. Мен Эрлинг Холанд каби тўпурар билан ўйнайман, бироқ ўша мавсумда Бэйлнинг ҳар бир зарбаси дарвозага тўғри келди", - деди Уокер Football Espana билан суҳбатда.
Эслатиб ўтамиз, Уокер ва Бэйл 2009 йилдан 2013 йилгача "Тоттенхэм"да бирга ўйнашган.
2012/2013 йилги мавсумда уэльслик футболчи барча мусобақаларда 44 та ўйинда қатнашиб, 26 та гол ва 14 та голли узатмани амалга оширган. Ушбу мавсумдан кейин Бэйл 2022 йилгача ўйнаган "Реал Мадрид"га ўтди.
Уокер 2017 йилда "Манчестер Сити"га ўтган эди.