"Реал" ярим ҳимоячиси Лука Модрич "Қироллик клуби"да фақат бир шарт билан қолади.

Diario AS нашри хабарига кўра, 38 ёшли хорватиялик футболчи янги шартномага лойиқ эканини тушунсагина жамоада қолади. Хабар қилинишича, "Севилья"га урилган ғалабали гол Модричнинг кайфиятини ўзгартирган. Тажрибали ярим ҳимоячи мавсумнинг қолган қисмида бор кучини бериб, "Реал"да яна камида бир марта қолишга лойиқ эканлигини ўзига исботлаш ниятида.

Олдинроқ "Реал" Лукага Карло Анчелоттига ёрдамчи бўлишни таклиф қилгани ҳақида хабар берилган эди, бироқ ярим ҳимоячи бу имкониятдан воз кечди, чунки ҳали фаолиятини якунламоқчи эмас.