"Бавария" ҳужумчиси Харри Кейн сўнгги икки ўйин унинг жамоасига мавсумнинг қолган қисмида ритмни ўрнатишда ёрдам беришига умид қилишини айтди. Эслатиб ўтамиз, кеча "Бавария" чемпионатда "Майнц"ни мағлуб этган (8:1), ҳафта ўрталарида эса Томас Тухель шогирдлари Чемпионлар лигасида "Лацио"ни мағлуб этганди (3:0).
"Агар охирги икки ўйиндагидек ўйнашда давом этсак, таркибимизнинг сифатини ҳисобга олсак, рақибларимизга катта хавф туғдирамиз. Умид қиламанки, биз бундан учқун сифатида фойдаланамиз ва қолган барча ўйинларда шундай давом этамиз. Албатта, чемпионлик учун курашда унчалик юқори имкониятларга эга эмаслигимиз ачинарли, биз “Байер”ни ҳурмат қилишимиз керак. Жамоа ўзгача мавсумни ўтказмоқда”, деди Кейн AFP ахборот агентлигига.
