"Тоттенхэм"нинг собиқ футболчиси Эрик Дайер клуб раиси Даниэль Левини қўллаб-қувватлади.
"У билан музокара қилиш қийин, лекин у "Тоттенхэм" ҳақида қайғуради. "Леви, йўқол" деган ҳайқириқларни кўриш жуда кулгили. Уларни кўриб, ўйлайманки – у охирги 10 йил ичида энг яхши инфратузилмани, энг яхши базани ва энг яхши стадионни қурган. "Шпорлар" эса рақобатбардош ва 2019 йилда Чемпионлар лигаси финалига чиқди", - деди Дайер The Times билан суҳбатда.
Эслатиб ўтамиз, январь ойида Эрик Дайер "Тоттенхэм"ни тарк этиб, "Бавария"га ўтганди. Ўшандан бери англиялик футболчи Мюнхен клубида 9та ўйин ўтказди.
