"Барселона" бош мураббийи Хави "Наполи"га қарши Чемпионлар лигаси 1/8 финал жавоб ўйини олдидан фикр билдирди.
"Бу мавсумнинг энг муҳим ўйиними? Ҳа, шундай. Биз эса иштиёқ билан тайёрланяпмиз. "Барселона" 4 йилдан бери Чемпионлар лигасининг чорак финалига чиқа олмаяпти, аммо энди бизда имконият бор. Рақиб энг яхши даврни ўтказмаяпти, лекин уларда тажриба бор - улар Италия чемпиони. Бизга мухлислар ёрдами керак бўлади”, - деди Хави матбуот анжуманида журналистларга.
“Барселона” – “Наполи” учрашуви 12 март, сешанба куни бўлиб ўтади. Италиядаги биринчи ўйинда жамоалар 1:1 ҳисобида дуранг ўйнаганди.
