"Barselona" bosh murabbiyi Xavi "Napoli"ga qarshi Chempionlar ligasi 1/8 final javob o‘yini oldidan fikr bildirdi.
"Bu mavsumning eng muhim o‘yinimi? Ha, shunday. Biz esa ishtiyoq bilan tayyorlanyapmiz. "Barselona" 4 yildan beri Chempionlar ligasining chorak finaliga chiqa olmayapti, ammo endi bizda imkoniyat bor. Raqib eng yaxshi davrni o‘tkazmayapti, lekin ularda tajriba bor - ular Italiya chempioni. Bizga muxlislar yordami kerak bo‘ladi”, - dedi Xavi matbuot anjumanida jurnalistlarga.
“Barselona” – “Napoli” uchrashuvi 12 mart, seshanba kuni bo‘lib o‘tadi. Italiyadagi birinchi o‘yinda jamoalar 1:1 hisobida durang o‘ynagandi.
