Италия чемпионатининг 28-туридан ўрин олган учрашувда “Удинезе” сафарда “Лацио”ни мағлуб этди – 2:1.
47-дақиқада меҳмонлар ҳужумчиси Лоренцо Лукка ҳисобни очди. 49-дақиқада “Удинезе” ҳимоячиси Лаутаро Жаннетти тўпни ўз дарвозасига йўллаган бўлса, 51-дақиқада меҳмонлар ярим ҳимоячиси Ойер Саррага ғалаба тўпини киритди.
Учрашувни “Удинезе” камчиликда якунлади: 90+5-дақиқада жамоа ҳимоячиси Науэн Перес майдондан четлатилди.
90+9-дақиқада “Лацио” дарвозабони Иван Проведель рақиб жарима майдончасида тўп учун курашаётган вақтида жароҳат олди. Унинг ўрнига Луижи Сепе майдонга тушди.
"Лацио" 40 очко билан А Серия турнир жадвалида 9-ўринда, "Удинезе" 27 очко билан 13-ўринга кўтарилиб олди.
