Душанба оқшомида Лондоннинг “Челси” “Стэмфорд Бриж”да “Ньюкасл”ни мағлуб этди - 3:2. Учрашувнинг олтинчи дақиқасидаёқ “аристократлар” ҳужумчиси Николас Жексон ҳисобни очди ва жамоасини олдинга олиб чиқди.
Шу тариқа, Жексон "Челси" сафида қаторасига учинчи ўйинда гол урди. Аввалроқ форвард 28 февраль куни Англия кубоги доирасида "Лидс" билан ўйинда (3:2) ва 2 март куни "Брентфорд"га қарши АПЛ ўйинида (2:2) гол урганди. Қизиғи шундаки, ушбу учта голли ўйиндан олдин Жексон 2024 йилда фақат бир марта гол урган эди - бу 7 февраль куни Англия кубоги доирасида "Астон Вилла"га қарши ўйинда содир бўлган.
