Фабрицио Романонинг айтишича, Майкл Эдвардс "Ливерпуль" билан "Энфилд"га қайтиш борасида келишиб олди.
Функционер клубда 2016 йилдан 2022 йилгача ишлаган ва Йорг Шмадтке кетганидан сўнг, "қизиллар" собиқ спорт директорини қайтаришга қарор қилишди.
Бунда Эдвардс аввалгидан юқорироқ лавозимни эгаллайди ва у аллақачон янги спорт директорини тайинлаш устида ишламоқда. Бу аввалроқ "Борнмут"да ишлаган Ричард Хьюз бўлади.
Айнан Эдвардс ва Хьюзлар яқин орада Юрген Клоппнинг ўринбосарини танлашни бошлайдилар, катта эҳтимол билан функционерлар Хаби Алонсо билан музокара олиб боришади.
Яқин келажакда FGS Эдвардс билан барча расмиятчиликларни бажариш учун якуний музокаралар олиб боради ва функционер ишни бошлаши мумкин.
