Англиянинг «Манчестер Сити» клуби Испаниянинг «Малага» жамоаси яримҳимоячиси Иско трансфери борасида музокараларни бошлашга тайёр. Бу ҳақда «Tutto Mercato Web» интернет нашри хабар тарқатди.
Манбанинг маълум қилишича, «шаҳарликлар» Иско учун андалусияликларнинг оғир молиявий ҳолатидан чиқиб кетишига етарли бўлган 35 миллион евро атрофида маблағ тўлашга тайёр туришибди.
Қайд этиб ўтиш жоиз, «Сити» «Малага» билан фақатгина Иско бўйича олди-берди қилмайди. Клуб шунингдек, жамоа бош мураббийи Мануэл Пеллегринини ҳам Манчестерга олиб келиш ниятида юрибди.
