"Арсенал" сўнгги 7 йил ичида биринчи марта Чемпионлар лигасининг плей-офф босқичида гол урди.
Лондон жамоаси Чемпионлар лигаси 1/8 финалининг жавоб учрашувида “Порту”ни қабул қилмоқда. Учрашувнинг 41-дақиқасида Леандро Троссард ҳисобни очган гол муаллифи бўлди.
Бу “Арсенал”нинг 2017 йил 7 март куни Тео Уолкотт “Бавария” дарвозасини ишғол қилганидан кейин (1:5) Чемпионлар лигаси плей-офф босқичидаги илк голи бўлди.
"Канонирлар" 7 йил давомида турнирнинг ушбу босқичида ўйнамаган, португалияликлар билан биринчи ўйинда эса рақиб дарвозасига йўл тополмай мағлубиятга учраганди (0:1).
