Opta Sports нашри 28 тур натижаларига кўра жамоаларнинг 2023/2024 йилги мавсумда Англия Премьер Лигасида ғолиб бўлиш имкониятларини ҳисоблаб чиқди.
Статистика билан шуғулланувчи платформа “Манчестер Сити” клубини асосий фаворит деб ҳисоблаб, “шаҳарликлар”нинг Премьер Лигада ғалаба қозониш эҳтимолини 46 фоизга баҳолаган.
“Ливерпул”нинг чемпион бўлиш эҳтимоли 35 фоизга баҳоланмоқда. Айни дамда турнир жадвалида биринчи ўринда бораётган Лондоннинг “Арсенал” жамоасининг чемпионликни қўлга киритиш эҳтимоли бор-йўғи 19 фоизни ташкил этади.
Эслатиб ўтамиз, Англия чемпионатининг 28-туридан кейин “Арсенал” 64 очко билан турнир жадвалида пешқадамлик қилмоқда. “Ливерпул”да 64 очко бор ва иккинчи ўринда бормоқда. “Манчестер Сити” жамоаси 63 очко жамғариб, учинчи ўринни эгаллаб турибди.
