Португалиянинг "Порту" клуби ҳимоячиси Пепе жамоасининг Чемпионлар лигаси 1/8 финали жавоб ўйинида “Арсенал”дан учралган мағлубият (0:1, пен. 2:4) ва бунинг натижасида турнирдан чиқиб кетиш ҳақида ўз фикрлари билан ўртоқлашди.
"Бундай мусобақадан четда қолиб кетиш уят, лекин бу ўйиннинг бир қисми. “Арсенал”га уйдаги ўйиндан бошлаб, қийин дамларни тақдим этдик. Бугун улар дарвозага биринчи зарбаси билан гол уришди.
Жамоадошларимни табриклашим керак, чунки улар мураббий сўраганини қилишди. Лекин шундай пайтлар ҳам бўлдики, биз яхшироқ ўйнаб, гол уришимиз мумкин эди. Биз ажойиб ўйнадик, лекин афсуски, олдинга силжолмадик.
"Арсенал" АПЛда кўп гол урадиган ажойиб жамоа эканлигини унутганимиз йўқ. Биз ўз футболимизни кўрсатиш ва Эдегорни чизиқлар орасида ўйнай олмаслиги учун уни зарарсизлантириш учун келдик. Биз нима қилаётганимизни билардик, лекин афсуски гол ура олмадик. Уларга эса омад кулиб боқди", - деди Пепе.
