Эдин Терзич "Боруссия"нинг Чемпионлар лигасининг чорак финалига чиққанига баҳо берди.

1/8 финалнинг жавоб учрашувида дортмундликлар ПСВни мағлуб этишди (2:0, биринчи ўйин 1:1).

"Биз чорак финал йўлланмасини машаққатли меҳнат эвазига қўлга киритдик. Дастлабки 30 дақиқа, айтиш мумкинки, мавсумнинг энг яхшиси бўлди ва биз ўша ҳужум пайтида кўпроқ гол уришимиз керак эди.

Афсуски, иккинчи бўлимда биз бундай ўйнашни тўхтатдик, аммо бор иштиёқ билан ҳимояландик. Овозимни йўқотдим, бу ўйин мендан катта куч олди. Аммо мен ушбу оқшомнинг бир қисми бўлганимдан жуда фахрланаман”, - деди Дортмунднинг "Боруссия" клуби бош мураббийи.