Англиянинг «Ливерпуль» жамоаси бош директори Ян Эйрнинг таъкидлашича, «Ливерпуль»нинг қарзи миқдори ўсган бўлишига қарамай, бу жамоа етакчиси Луис Суаресни сотишга сабаб бўла олмайди.
Эслатиб ўтамиз, «Ливерпуль» ўтган мавсумни 40.5 миллион фунт стерлинг зарар билан якунлаганди. Бунинг натижасида жамоанинг қарзи 87.2 миллион фунтгача ўсганди.
Бундай вазиятда жуда кўпчилик, молиявий «фэйр-плэй» талабларига жавоб бериш учун жамоа Суаресни сотшларини таъкидлашганди. Бироқ Эйрнинг сўзларига кўра, жамоа ҳар қандай таклифларга ҳам йўқ деб жавоб бермоқчи.
«Молиявий ҳолатимизни тиклаб олишимиз учун ҳеч кимни ҳеч қачон сотмаймиз. Агар кимнидир сотадиган бўлсак, бу мураббийнинг қарори бўлади. Шундай вазиятда биз ҳар доим кетган футболчини ўрнини тўлдириш учун янги футболчилр қидирганмиз».
«Биз бу ҳолатдан довдираб қолганимиз йўқ. Биз ўсишга, тўғри йўлдан кетишга ҳаракат қилишда давом этамиз. Мақсадимиз икки йил ичида мвсумларнинг зарарларсиз чиқиб кетиш, кейинчалик эса фойдага кириш», дея Эйрнинг сўзларидан иқтибос келтирмоқда «Daily Mail» нашри.