Ҳимоячи Марио Эрмосо келаси ёзда "Атлетико"ни эркин агент сифатида тарк этиши мумкин, чунки Мадрид клуби футболчи билан шартномани узайтириш борасида ҳали келишмаган.
TodoFichajes нашри хабарига кўра, "Астон Вилла" Эрмосо учун курашга киришган. Бирмингемликларни ёзда ҳимоячи билан текинга шартнома имзолаши қизиқтиради.
Қайд этилишича, 28 ёшли футболчининг трансферини "Вилла" бош мураббийи Унаи Эмери мақуллаган. Шу билан бирга, "Атлетико" Эрмосо билан шартномани узайтириш бўйича музокараларни давом эттирмоқда.
Transfermarkt портали футболчини 25 миллион еврога баҳоламоқда.
