Конференциялар лигаси 1/8 финалининг жавоб учрашувида “Астон Вилла” Амстердамнинг “Аякс” клубини қабул қилиб, 4:0 ҳисобида ғалаба қозонди. Шундай қилиб, Нидерландия клуби "Аякс" антирекордлар китобини муваффақиятли қайта ёзишни давом эттирмоқда.
Гап шундаки, жорий мавсумда амстердамликлар барча турнирларни ҳисобга олган ҳолда 70 та гол ўтказиб юборишди. Бу нафақат клуб учун ХХI асрдаги энг ёмон натижа, балки 1961 йилдан бери энг ёмон натижа ҳамдир.
Аммо "Аякс" мавсум якунига қадар яна гол ўтказиб юборишига шубҳа йўқ, шунинг учун ҳам антирекордлар янгиланиб боради.
