Ҳужумкор ярим ҳимоячи Браим Диас "Реал"даги ўйинлари ҳақида гапирди.
Кеча Испания чемпионати доирасида бўлиб ўтган "Осасуна"га қарши ўйинда (4:2) вингер гол урди.
"Жамоа яхши ўйин ўтказди. Мен барча футболчиларнинг фидойиликларини қайд этмоқчиман. Бизнинг жамоамизда чегара йўқ.
Дунёнинг энг яхши клубида ўйнаганимдан жуда хурсандман. Бу ерда сиз бор кучингизни беришингиз керак, мен буни қиламан", - дея футболчининг сўзларини келтиради Madrid Universal.
Испания чемпионатининг жорий мавсумида Диас 24 та ўйин ўтказди. Футболчининг ҳисобида бешта гол ва иккита голли узатма бор.
