Мюнхеннинг "Бавария" клуби ҳужумчиси Матис Тель Бундеслигада янги рекорд ўрнатди. "Дармштадт"га қарши ўйинда 18 ёшли франциялик футболчи битта гол урди ва жамоасининг меҳмонда 5:2 ҳисобида ғалаба қозонишига ёрдам берди.
Кечаги гол Тель учун Бундеслигадаги ўнинчи гол бўлди. Шу тариқа, франциялик футболчи турнир тарихида 10 та гол урган энг ёш хорижлик футболчига айланди.
Эслатиб ўтамиз, Тель иккинчи мавсумини "Бавария"да ўтказмоқда. 2022 йилнинг ёзида футболчи Франциянинг “Ренн” клубидан немис жамоасига ўтди. Матис яқинда "Бавария" билан янги шартнома имзолади, гарчи унга Англия Премьер-лигаси клублари қизиқиш билдиришган бўлса-да.
