Суперлига 3-туридан ўрин олган “Бунёдкор” – “Навбаҳор” (2:2) учрашувидан сўнг жамоамиз устози Анвар Ғофуров ОАВ ходимлари саволларига жавоб қайтарди.

- Бугун жуда кучли рақибга қарши ўйнадик ва қийин ўйин ўтказдик. Учрашувга тайёргарлик кўриш учун вақт кам эди. Имкон қадар тайёргарлик кўрдик. Бугунги учрашувда қайд этилган натижа ва ўйин мухлисларга ёқди деб ўйлайман. Энди шундай услубда ўйнаймиз. Бугунги натижа футболчиларнинг меҳнати. Қолаверса, бугун бизга омад кулиб боқди.

Ўйиндан олдин бир нечта режа бор эди ва биз “А” режа бўйича ўйнадик. Ўйин якунланаётган вақтида биз мағлуб бўлаётган эдик ва биз қандай ҳисобда мағлуб бўлишимиз фарқи йўқ эди. Қандай ҳисоб қайд этилишидан қатъий назар мағлубият барибир мағлубият. Шу сабабли режани ўзгартирдик ва ҳужумга ўтишни бошладик.