Италия чемпионатининг навбатдаги, 29-турида "Интер" "Наполи"га қарши ўйинда олдинга чиқиб олди, аммо ғалабали ҳисобни сақлаб қола олмади ва натижада жамоалар ўзаро дурангга эришди. "Наполи" бош мураббийи Франческо Кальцона бу натижани яхши деб ҳисоблайди, чунки унинг сўзларига кўра, жамоада сеҳргаргина ҳал қила оладиган кўплаб муаммолар бор.
"Барча муаммоларимизни ҳал қилиш учун бизга сеҳргар керак бўлади. Шундай бўлса-да, жамоанинг ўйинидан мамнунман. Рақиб дарвозаси олдида рақибга нисбатан аниқроқ ва қаттиқроқ бўлишни истардим", - деди Кальцона calcionapoli1926.it билан суҳбатда.
Кейинги турда "Наполи" "Аталанта"га қарши ўйнайди, бу ўйин ўттизинчи март куни бўлиб ўтади.
