"Манчестер Юнайтед" бош мураббийи Эрик тен Хаг Англия кубоги чорак финалида "Ливерпул"га қарши ўйинда ҳужумчи Амад Диаллонинг ўйини ҳақида фикр билдирди.
Эслатиб ўтамиз, иккинчи қўшимча тайм якунида ивуарлик футболчи ғалаба тўпини киритиб, манкунианликларнинг мерсисайдликларни 4:3 ҳисобида мағлуб этишига ёрдам берди.
“Амад учун жуда хурсандман. У ҳар доим ҳам машғулотлардаги саъй-ҳаракатлари учун муносиб ўйин вақтини топа олмайди. Диалло "Ливерпул"га қарши ўйинда ғалаба тўпини киритганидан жуда хурсандман", деди Тен Хаг матбуот анжуманида.
