Ҳимоячи Франческо Ачерби Италия терма жамоасининг март ойидаги йиғинига чақирилган футболчилар рўйхатидан чиқарилди.

Ачерби якшанба кунги А Серия ўйинида "Наполи" футболчиси Жоан Жесусни ирқий ҳақорат қилганликда айбланган. Душанба куни эрталаб футболчи Италия терма жамоаси бош мураббийи Лучано Спалетти ва "Адзурра"нинг бошқа футболчиларига тушунтириш берган.

Ачебрининг сўзларида ҳеч қандай ирқчилик топилмади, аммо ўйинчи "жамоа ва ўйинчининг ўзи тинчлигини кафолатлаш учун" барибир четлатилди. Март ойида Италия терма жамоаси Венесуэла ва Эквадорга қарши ўртоқлик учрашувлари ўтказади.