"Интер" марказий ҳимоячиси Франческо Ачербининг агенти Федерико Пасторелло мижози билан боғлиқ вазият ҳақида фикр билдирди.
“Наполи” ҳимоячиси Хуан Жезус италияликни ирқий ҳақоратда айблади.
Шу боис Франческо Италия терма жамоасининг бўлажак ўртоқлик ўйинлари учун қайдномасидан аллақачон четлаштирилди.
"Менинг мижозим Жезусни ирқий ҳақорат қилмаган", - деб қисқача жавоб берди Пасторелло.
Эслатиб ўтамиз, Ачерби Италия чемпионатида ҳам 10 та ўйинга дисквалификация қилиниши мумкин.
Миланнинг "Интер" клуби яқин орада вазиятни тўғирлашга ҳаракат қилишлари ҳақида расмий эълон қилди.
