Туркия терма жамоаси жорий йилнинг 14 июнидан 14 июлига қадар Германияда бўлиб ўтадиган 2024 йилги Европа чемпионати учун асосий либосини тақдим этди. "Ой юлдузлари"нинг техник ҳомийси АҚШнинг Nike компанияси бўлади.
Евро-2024 — УЕФА аъзоси бўлган миллий терма жамоалар ўртасида ҳар тўрт йилда бир марта ўтказиладиган футбол турнири бўган Европа чемпионатининг 17-мартасидир. Туркия терма жамоаси бўлажак турнирда F гуруҳида иштирок этади. Винченцо Монтелла шогирдлари Португалия, Чехия ва C гуруҳи ғолиби (Грузия/Люксембург - Греция/Қозоғистон) билан куч синашади.
Эслатиб ўтамиз, Туркия ҳеч қачон Европа чемпиони бўлмаган. "Ой юлдузлари"нинг қитъа чемпионатидаги энг юқори ютуғи 2008 йилда қайд этилган. Ўшанда турклар бронза медалларини қўлга киритишди.
