Хавинининг акасини "Ливерпуль" бош мураббийи Юрген Клоппга қиёслашди.
AS нашри хабарига кўра, Оскар Эрнандес "Барселона"нинг кийиниш хонасида Оскар Клопп лақабини олган. Бу унинг ташқи кўриниши ва ҳиссий хатти-ҳаракати билан, шунингдек, дисквалификация даврида укасининг вазифаларини бажараётганда жамоанинг натижалари билан боғлиқ.
Оскар Эрнандес билан “кўк-анорранглилар” олти учрашувнинг барчасида ғалаба қозонди, умумий ҳисоб 17:3.
Хавининг акаси жамоани илк бор 2022 йилнинг ёзида АҚШда ўтказилган ўртоқлик учрашувида бошқарганди. Ўшанда бош мураббий визаси билан боғлиқ муаммоларга дуч келганди. "Интер Майами" 6:0 ҳисобида мағлуб этилганди.
Ла Лигада 2023 йилнинг 23 мартида Хави ўрнига Оскар биринчи марта ишлади – ўшанда "Валенсия" мағлуб этилган (1:0).
Таъкидланишича, "Барселона" бош мураббийи "Атлетико Мадрид"га қарши ўйинда (3:0) қизил карточка олгани учун Ла Лиганинг иккита ўйинига дисквалификация қилиниши мумкин.
