Полиция “Ливерпул”га қарши Англия кубоги 1/4 финалида (4:3) ҳақоратомуз ҳайқириқлар айтган “Манчестер Юнайтед”нинг икки мухлисини қўлга олди, деб хабар беради ESPN.
Манбага кўра, мухлислар “Ҳиллсборо” стадионида 1989 йилнинг апрел ойида Англия кубоги ярим финали доирасидаги “Ливерпул” ва “Ноттингем Форест” ўртасидаги ўйин олдидан содир бўлган фожиани масхара қилишган.
Учрашувдаги тиқилинчда Ливерпулнинг 97 мухлиси ҳалок бўлди, яна юзлаб мухлислар жароҳатланди.
Аввалроқ Англия премьер-лигаси мухлисларнинг хатти-ҳаракатларини кескин қоралаб, ўйинларда футбол фожиаларини ҳақорат қилишга ўрин йўқлигини айтганди.
