"Ювентус" ярим ҳимоячиси Адриен Рабио клубда ўйнашни давом эттиришга қарши эмас.
28 ёшли футболчи жорий мавсум якунида, амалдаги шартномаси якунига етгач, туринликлар сафини тарк этиши мумкин. La Reppublica хабарига кўра, франциялик футболчи ҳали "Ювентус" учун эшикни ёпгани йўқ - у шартномани узайтириш имкониятини сақлаб қолган. "Кекса синьора" раҳбарияти ярим ҳимоячини ўзида сақлаб қолмоқчи, аммо клубнинг молиявий муаммолари туфайли унинг маошига бўлган талабини қондириш ниҳоятда қийин бўлади. Айнан шу омил бўлажак футболчи масаласида ҳал қилувчи омил бўлиши мумкин.
Адриен Рабьо 2019 йилдан бери “Ювентус” сафида 201 та ўйинда майдонга тушиб, 21 та гол урди ва 15 та голли узатмани амалга оширди.
