Каталониянинг "Барселона" клуби спорт директори Деку янги бош мураббий излаш ҳақида гапирди. Матбуотда мумкин бўлган вариантлар орасида Пеп Гвардиола, Юрген Клопп ва Микель Артета бор.
“Клубимиз Гвардиола, Клопп ва Артетани жуда қадрлайди, аммо улар ҳозирча мавжуд эмас. Бу учлик билан ҳеч қандай музокаралар олиб борилмаяпти, шунинг учун уларнинг номини тилга олишдан фойда йўқ. Ҳозирча биз ҳеч ким билан музокарага киришганимиз йўқ", - дея Декунинг сўзларидан иқтибос келтиради Cadena SER.
Ҳозирда "блауграна" бош мураббийи лавозимини испаниялик мутахассис Хави Эрнандес эгаллаб турибди. Январь ойида мураббий жорий мавсум якунлангач, "Барселона"ни тарк этишини маълум қилганди.
