Футбол бўйича Ўзбекистон терма жамоаси ЖЧ—2026 саралаши доирасида 21 март, пайшанба куни Ҳонгконгга қарши баҳс олиб борди.
Учрашувнинг биринчи бўлимида дарвозалар ишғол этилмади. Қайд этиб ўтиш жоиз, ўйин бошида Элдор Шомуродов томонидан урилган гол ҳакам томонидан бекор қилинди. Ўша вазиятда тўп қўлга тегди деб ҳисобланди.
Иккинчи бўлим бошида эса Сречко Катанец шогирдлари ҳисобни очди. 49-дақиқада Элдор Шомуродов ўз ҳисобига гол ёздириб қўйди.
66-дақиқада эса Рустам Ашурматов ҳисобни ишончли кўринишга олиб келди.
Қолган дақиқаларда дарвозалар дахлсизлиги сақланиб қолди ва Ўзбекистон 2:0 ҳисобида ғалаба қозонди.
Ушбу ғалабадан сўнг Сречко Катанец жамоаси Э гуруҳида очколари сонини 7 тага етказиб олди. Гуруҳнинг иккинчи ўйини Эрон ва Туркманистон жамоалари ўртасида кечади. Учрашув 21:00 да старт олади.
Ҳонгконг – Ўзбекистон 0:2
Голлар: 0:1 — 49 Элдор Шомуродов, 0:2 — 66 Рустам Ашурматов.
Ҳонконг: 1. Япп Хунг Фаи, 2. Оливер Бенжамин Герби, 5. Ҳелио Гонсальвес, 6. Ву Чунг Лок, 8. Тан Чун Лок, 9. Матт Орр (20. Майкл Удебулузор,63), 11. Эвертон Камарго (14. Поон Пуи Ҳин, 63(16. Чан Сиу Кван Филип, 21. Ю Тзе Нам, 22. Соареш Жуниор Валтер, 23. Сун Минг Ҳим.
Ўзбекистон: 1. Ўткир Юсупов, 2. Абдуқодир Ҳусанов, 4. Фарруҳ Сайфиев, 5. Рустам Ашурматов (23. Ҳусниддин Алиқулов, 70) 7. Отабек Шукуров, 9. Одил Ҳамробеков, 10. Жалолиддин Машарипов (21. Азизбек Амонов, 81), 14. Элдор Шомуродов, 15. Умар Эшмуродов, 19. Азизбек Турғунбоев, 20. Ҳожимат Эркинов (22. Аббосбек Файзуллаев, 46).
