"Милан" дарвозабони Майк Меньян кейинги ёзда фаолиятини Испания чемпионатида давом эттириши мумкин. Бу ҳақда Fichajes хабар бермоқда.
Манбанинг хабарига кўра, Мадриднинг "Реал" клуби 28 ёшли франциялик футболчининг хизматларига қизиқиш билдирмоқда ва бу футболчини Тибо Куртуанинг ўринбосари бўлиши мумкин деб ҳисобламоқда.
20 март куни бельгиялик дарвозабон менискдаги операцияни муваффақиятли ўтказди. У 2023/24 йилги мавсумнинг қолган қисмини ўтказиб юбориши кутилмоқда.
Меньян 2021 йилнинг июлидан бери "Милан" шарафини ҳимоя қилиб келмоқда. У клуб сафида жами 105 та ўйин ўтказиб, 195 та гол ўтказиб юборган ва 65 та баҳсда дарвозаси дахлсизлигини сақлаб қолган. Унинг шартномаси 2026 йилнинг ёзига қадар мўлжалланган.
Transfermarkt портали франциялик дарвозабоннинг нархини 40 миллион еврога баҳоламоқда.
