Россия ва Сербия терма жамоалари ўртасидаги ўртоқлик учрашувининг иккинчи бўлими (4:0) вақтида майдонга югуриб чиққан мухлис Москва суди томонидан 13 суткага ҳибсга олинди, деб ёзади “ТАСС”.
“Москванинг Савёловский туман суди қарори билан Максим Юревич Десятский Россия Федерацияси Маъмурий жавобгарлик тўғрисидаги кодексининг 20.31-моддаси 3-қисмида (томошабинларнинг ўзини тутиш қоидаларини бузиш) назарда тутилган маъмурий ҳуқуқбузарлик содир этганликда айбдор деб топилди.
Суд Десятскийни 13 суткага маъмурий қамоққа олишга ҳукм қилди”, — дея суд вакилининг сўзларидан иқтибос келтирган “ТАСС”.
