"Манчестер Юнайтед" Эрик тен Хаг ўрнига 9 нафар мураббийни кўриб чиқмоқда.

“Қизил иблислар”нинг амалдаги бошқарувчисининг келажаги ҳали аниқлангани йўқ: у ўз ишини сақлаб қолиши ёки мавсум якунланганидан кейин клубни тарк этиши мумкин.

Журналист Роб Доусоннинг ёзишича, "Манчестер Юнайтед" тен Хагнинг ўрнини босадиган мураббийлар рўйхатини тузган, улар орасида Зинедин Зидан (ишсиз), Томас Тухель (ёзда "Бавария"ни тарк этади), Роберто де Дзерби ("Брайтон"), Юлиан Нагельсманн (Германия), Грэм Поттер (ишсиз), Гарет Саутгейт (Англия), Томас Франк ("Брентфорд"), Хулен Лопетеги (ишсиз) ва Рубен Аморим ("Спортинг") бор.

Эрик тен Хагнинг "Манчестер Юнайтед" билан шартномаси 2025 йилнинг ўрталарига қадар амал қилади.