Футболчиларнинг нархини баҳолашга ихтисослашган Transfermarkt портали собиқ Иттифоқ ҳудудидаги мамлакатлар вакили бўлган энг қиммат футболчилар рейтингини тақдим этди.

Биринчи ўринни грузиялик ярим ҳимоячи Хвича Кварацхелия эгаллади: "Наполи" футболчисининг бозор қиймати портал томонидан 80 миллион еврога баҳоланган.

Иккинчи ва учинчи ўринларни украиналик футболчилар эгаллади: "Арсенал" ҳимоячиси Александр Зинченко (42 миллион) ва "Челси" ярим ҳимоячиси Михаил Мудрик (35 миллион).

Энг қиммат россиялик футболчи "Монако" ярим ҳимоячиси Александр Головин (30 миллион евро) бўлиб, у "Жирона" клубининг украиналик ҳужумчиси Артём Довбик билан бешинчи-олтинчи ўринларни бўлишиб турибди.