Португалия терма жамоаси бош мураббийи Роберто Мартинес 39 ёшли ҳужумчи Криштиану Роналдунинг ҳозирги ўйин даражаси ҳақида гапирди.
“Криштиану ҳар доим жуда мотивацион. Фаолияти давомида у бошқа футболчиларга ўрнак бўлиб келмоқда. Роналду ҳозир 20 ёшидагидек ўйнаяпти. Жамоамиз учун тажриба ва ёшларнинг уйғунлашувидан фойда олиш жуда муҳим”, - деди испаниялик мутахассис.
Ҳозирда Криштиану Саудия Арабистонининг “Ан-Наср” жамоасида тўп тепмоқда. Жорий мавсумда ҳужумчи 33 учрашувда иштирок этиб, 30 гол ва 11 голга ассистентлик қилган.
