Леверкузеннинг "Байер" клуби ҳужумчиси Виктор Бонифас ёзги трансфер ойнасида клубини ўзгартириши мумкин.
Журналист Экрем Конурнинг ёзишича, 23 ёшли нигериялик футболчининг хизматларига Англия Премьер-лигасининг учта клуби қизиқиш билдирмоқда.
Гап "Арсенал", "Ливерпуль" ва "Челси" ҳамда Италиянинг "Наполи" клублари ҳақида кетмоқда. Олдинроқ немис жамоаси ўз тўпурарини 55 миллион евро эвазига қўйиб юбориши мумкинлиги ҳақида хабарлар тарқалган эди.
Жорий мавсумда Бонифаc барча мусобақаларда 23 та ўйинда майдонга тушиб, 16 та гол урди ва 8 та голли узатмани амалга оширди.
Футболчининг "Байер" билан шартномаси 2028 йилгача мўлжалланган.
