«Ливерпуль» футболчиси Стивен Жеррард «Тоттенҳем»га қарши учрашувдан сўнг жамоа аъзоси Стюарт Даунинг ҳақида фикр билдирди.

«Фикримча, Даунинг киритган гол ўйинни ўзгартириб юборди. У жамоага туртки берди деб айта оламан.

Ҳозир у бутунлай бошқа футболчига айланди. Энди аввалги Даунингни кўришимиз мумкин. Мухлислар нега уни Англия терма жамоасига чақиришларини тушуниб етишяпти.

Унинг тўпсиз қилаётган ҳаракатларини қадрлайман. Тўпга ташланишлари билан Глен Жонсонга қанотини ёпишга ёрдамлашди.

Унинг статистикаси ўйиндан ўйинга яхшиланиб бормоқда. У шундай ўйнашда давом этса, клубдагилар бекорга пул сарфлашмаганини тушунишади»,- дейди Жеррард.