"Ювентус" ярим ҳимоячиси Мануэль Локателлига Англиянинг "Брайтон" клуби қизиқиш билдирмоқда. La Gazzetta dello Sport нашри хабарига кўра, "чайкалар" жорий мавсум якунланганидан сўнг 26 ёшли футболчи учун таклиф билан чиқишлари мумкин.
Футболчи бир неча йил олдин, "Арсенал" унга мурожаат қилганида Англияга кўчиб ўтиши мумкин эди, бироқ у ўзини Премьер-лигада ўйнашга тайёр эмас деб ҳисоблаб, бу имкониятдан бош тортди.
Transfermarkt портали Мануэль Локателлининг нархини 33 миллион еврога баҳоламоқда.
