"Yuventus" yarim himoyachisi Manuel Lokatelliga Angliyaning "Brayton" klubi qiziqish bildirmoqda. La Gazzetta dello Sport nashri xabariga ko‘ra, "chaykalar" joriy mavsum yakunlanganidan so‘ng 26 yoshli futbolchi uchun taklif bilan chiqishlari mumkin.

Futbolchi bir necha yil oldin, "Arsenal" unga murojaat qilganida Angliyaga ko‘chib o‘tishi mumkin edi, biroq u o‘zini Premyer-ligada o‘ynashga tayyor emas deb hisoblab, bu imkoniyatdan bosh tortdi.

Transfermarkt portali Manuel Lokatellining narxini 33 million yevroga baholamoqda.