"Наполи" ҳужумчиси Виктор Осимхен "Челси"нинг трансфер бозоридаги асосий мақсади.
Tribal Football нашрининг хабарига кўра, лондонликлар нигериялик тўпурарни сотиб олиш учун 90 миллион евро ажратишга тайёр. Бироқ, бу миқдор неаполликларга тўғри келмайди. Италия клуби футболчини сотишдан 130 миллионга яқин даромад олишни режалаштирган.
25 ёшли тўпурар Италия чемпионатининг жорий мавсумида 17 та ўйин ўтказди. Осимхен 11 та гол ва 3 та голли узатмани амалга оширди. Викторнинг шартномаси 2026 йилнинг ўрталарига қадар мўлжалланган ва унинг бозор нархи 110 миллион еврога баҳоланмоқда.
