"Манчестер Сити"нинг ўнг қанот ҳимоячиси Кайл Уокер жамоасининг навбатдаги Лондоннинг "Арсенал" жамоасига қарши ўйинини ўтказиб юбориши мумкин. Эслатиб ўтамиз, Уокер Англия терма жамоаси сафида жароҳат олган эди.
Sky Sports нашри хабарига кўра, Уокернинг "Арсенал"га қарши ўйинда иштирок этиш имконияти 50/50. "Шаҳарликлар" тиббиёт штаби англиялик футболчини мавсумнинг энг муҳим учрашувларидан бири олдидан оёққа турғазиш учун барча имкониятларни ишга солмоқда.
Эслатиб ўтамиз, айни дамда “Арсенал” АПЛ турнир жадвалида пешқадамлик қилмоқда, аммо “Манчестер Сити” лондонликлардан атиги бир очко ортда қолмоқда. Уокер бу мавсумда Премьер-лигада иккита голли узатмани амалга оширди.
