"Кристал Пэлас" ва Англия терма жамоаси дарвозабони Сэм Жонстон тирсагидан жароҳат олиб, мавсумнинг қолган қисмида майдонга туша олмайди ва бўлажак Европа чемпионатида терма жамоасига ёрдам бера олмайди.
Жорий мавсумда 31 ёшли Жонстон "Кристал Пэлас" сафида 23 та ўйин ўтказиб, 33 та гол ўтказиб юборди ва 6 та ўйинда ўз дарвозаси дахлсизлигини сақлаб қолди. Дарвозабон терма жамоа сафида тўртта ўйин ўтказишга муваффақ бўлди.
Эслатиб ўтамиз, Европа чемпионати жорий йилнинг 14 июнидан 14 июлига қадар Германияда бўлиб ўтади. Турнирнинг гуруҳ босқичида инглизлар Словения, Дания ва Сербия терма жамоалари билан куч синашади.
