"Kristal Pelas" va Angliya terma jamoasi darvozaboni Sem Jonston tirsagidan jarohat olib, mavsumning qolgan qismida maydonga tusha olmaydi va bo‘lajak Yevropa chempionatida terma jamoasiga yordam bera olmaydi.
Joriy mavsumda 31 yoshli Jonston "Kristal Pelas" safida 23 ta o‘yin o‘tkazib, 33 ta gol o‘tkazib yubordi va 6 ta o‘yinda o‘z darvozasi daxlsizligini saqlab qoldi. Darvozabon terma jamoa safida to‘rtta o‘yin o‘tkazishga muvaffaq bo‘ldi.
Eslatib o‘tamiz, Yevropa chempionati joriy yilning 14 iyunidan 14 iyuliga qadar Germaniyada bo‘lib o‘tadi. Turnirning guruh bosqichida inglizlar Sloveniya, Daniya va Serbiya terma jamoalari bilan kuch sinashadi.
