"Саутгемптон" ҳужумчиси Че Адамс клубини ўзгартириши мумкин. Бу ҳақда журналист Экрем Конур хабар бермоқда.
Манбага кўра, 27 ёшли шотландиялик футболчининг хизматларига "Вест Хэм" ва "Вулверхэмптон" клублари қизиқиш билдирмоқда. Жорий мавсумда Адамс барча турнирларни ҳисобга олган ҳолда 35 та учрашувда майдонга тушиб, 12 та гол урди ва 5 та голли узатмани амалга оширди.
Адамснинг "Саутгемптон" билан шартномаси келаси ёзгача амал қилади. Transfermarkt портали маълумотларига кўра, футболчининг нархи 15 миллион еврога тенг. 29 март куни чемпионатнинг 39-тури доирасида "Саутгемптон" ўз уйида "Мидлсбро"ни қабул қилади.
